Respublika Müalicə Diaqnostika Mərkəzində yanğın hadisəsi (FOTO)

Respublika Müalicə Diaqnostika Mərkəzində yanğın hadisəsi baş verib.

BAKU.WS-in məlumatına görə, bu barədə Trend-ə Mərkəzdən məlumat verilib.

Məlumata görə, yanğın mərkəzin birinci mərtəbəsində yerləşən inzibati bölmədə - sığorta şöbəsinin tavanında baş verib. Yanğının tavanda kabellərdə qısaqapanma yaranması nəticəsində baş verməsi ehtimal edilir.

Yanğının mərkəzin təhlükəsizlik xidmətinin əməkdaşları tərəfindən qarşısı alınsa da, hazırda binada tüstülənmə olduğu bildirilir.

Respublika Müalicə Diaqnostika Mərkəzinin mətbuat xidmətinin rəhbəri Səidə Hənifəliyevanın verdiyi məlumata görə, artıq problem aradan qaldırılıb. Hadisə stasionar şöbədə baş vermədiyindən xəstələr və əməkdaşlar arasında xəsarət alan olmayıb.

BAKU.WS