Qaz sızması partlayışa səbəb oldu - Xəsarət alan var

Samux rayonunda qaz sızması nəticəsində fərdi mənzillərdən birində partlayış baş verib.

BAKU.WS-in bölgə müxbirinin verdiyi məlumata görə, hadisə rayonun Sərkar kəndində baş verib.

Hadisə zamanı evdə olan şəxslərdən biri, 24 yaşlı Cəlal Qurbanov ağır yanıq xəsarəti ilə ilk olaraq Samux rayon Mərkəzi Xəstəxanasına, oradan isə Gəncə şəhər Təcili Tibbi Yardım Xəstəxanasına yerləşdirilib. Yaralı reanimasiya şöbəsinə yerləşdilib, onun vəziyyəti ağırdır.

Partlayışın qaz sızması nəticəsində baş verdiyi ehtimal edilir.

Faktla bağlı Samux rayon Polis Şöbəsində araşdırma başlanılıb.