Prospektlə gedən yük maşınının qəflətən təkərləri çıxdı - ANBAAN VİDEO

Paytaxtın Nizami rayonu, Heydər Əliyev prospektində, "Koroğlu" metro stansiyasının yaxınlığında hərəkətdə olan yük avtomobilinin təkərləri yerindən çıxıb.

BAKU.WS xəbər verir ki, bu barədə NİİM məlumat yayıb.

Bildirilib ki, hadisə nəticəsində qəza baş verməyib.

"Qeydə alınan bu hadisədən hər bir sürücü nəticə çıxarmalıdır. Sürücülər bilməlidirlər ki, hərəkətə başlamazdan əvvəl nəqliyyat vasitəsinin texniki sazlığı yoxlanılmalı və yaranmış porblem həll edilməlidir. Əks təqdirdə qəzaların baş verməsi qaçılmaz olacaq", - deyə məlumatda qeyd olunub.