Polkovnik İlham Abbasov vəfat etdi

Ədliyyə Nazirliyinin Ədliyyə Akademiyasının sabiq prorektoru, hüquq elmləri üzrə fəlsəfə doktoru, polkovnik İlham Abbasov vəfat edib.

BAKU.WS xəbər verir ki, İ.Abbasov 77 yaşında dünyasını dəyişib.

O, uzun illər prokurorluq və ədliyyə orqanlarında müxtəlif məsul vəzifələrdə çalışıb. Biləsuvar, Qəbələ, Zəngilan, Qubadlı və Masallı rayonlarının prokuroru kimi fəaliyyət göstərib, daha sonra Baş Prokurorluğun mərkəzi aparatında xidmət edib.

2001-2017-ci illərdə Ədliyyə Nazirliyinin Ədliyyə Akademiyasında əvvəlcə baş müəllim, daha sonra isə prorektor vəzifəsində çalışan İ.Abbasov 2017-ci ildən etibarən təqaüddə idi.