Kürdəmirdə 17 yaşlı qadın doğuş zamanı ölüb - YENİLƏNİB

Kürdəmir Rayon Mərkəzi Xəstəxanasında 2005-ci il təvəllüdlü Şəbinur İsayeva qeysəriyyə əməliyyatından sonra səhhətinin pisləşməsi nəticəsində ölüb.

Baş Prokurorluğun Mətbuat xidmətindən BAKU.WS-ə bildirilib ki, faktla bağlı rayon prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanıb.

Təhqiqat aparılır.

***15:51

Kürdəmirdə yeniyetmə doğuş zamanı vəfat edib.

BAKU.WS APA-ya istinadla xəbər verir ki, hadisə rayonun Sığırlı kəndində qeydə alınıb.

Məlumata görə, 17 yaşlı Şəbinur İsmiyeva ötən gün doğuş zamanı dünyasını dəyişib.

APA-nın əldə etdiyi məlumata görə, Şəbinur İsmiyeva bir il əvvəl kənd sakini ilə evlənib. Lakin onların rəsmi nikahı olmayıb.

Faktla bağlı araşdırma aparılır.