Kür çayında boğulduğu deyilən 4 uşaq anasının Bakıya getdiyi məlum oldu

Salyan rayonun Seyidsadıqlı kənd sakini, 1992-ci il təvəllüdlü Bəndəliyeva Ayşən Nemət qızının Kür çayının kənd ərazisindən keçən hissəsində boğulmadığı məlum olub.
BAKU.WS “Report”a istinadən xəbər verir ki, o, səhər saatlarına yaxınlarına zəng edərək, Bakıya getdiyini bildirib. “Məni axtarmayın, Bakıdayam”, - qadın deyib.
Bu səbəbdən onun Kür çayında axtarışları dayandırılıb. Qeyd edək ki, qadının Kür çayında boğulduğu ehtimal olunurdu. Buna səbəb A.Bəndəliyevanın “Mən özümü Kürə atacam” yazısının olması idi.
Qadının bundan narahat olan yaxınları dünən Fövqəladə Hallar Nazirliyinin (FHN) "112" qaynar telefon xəttinə məlumat veriblər. Hadisə yerinə FHN-nin Kiçikhəcimli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb edilib.
Qeyd edək ki, A Bəndəliyeva ailəlidir, 3 qızı, 1 oğlu var.
Oxşar xəbərlər
Kürdə gənc qız batıb
Kür çayının Salyan rayonu, Seyidsadıqlı kəndi ərazisindən keçən hissəsində 1992-ci il təvəllüdlü Bəndəliyeva Ayşən Nemət qızı batıb. BAKU.WS xəbər verir ki, bu...