İşıqfor olan küçəyə şlaqbaum qoydular

Bakı şəhəri, Sabunçu rayonu, Zabrat qəsəbəsi, Babək küçəsi 88 ünvanında küçənin girişinə şlaqbaum quraşdırılıb.

Bu barədə məlumat BAKU.WS-in "qaynar xətti"nə daxil olub.

Şikayətçinin sözlərinə görə, bu səbəbdən taksi xidmətləri həyətə daxil ola bilmir, həmçinin şəxsi avtomobillə giriş-çıxışda da ciddi çətinlik yaranıb.

"Məhlənin girişi işıqfordur, yol kənarında da dayanacaq var, ona görə məhləyə daxil olmadan yol kənarında maşın saxlamaq da olmur", - deyə şikayətçi vurğulayıb.

Ərazidən görüntüləri təqdim edirik: