Hüseyn tənqidlərdən sonra Azərbaycanla bağlı paylaşım etdi - FOTO

Rusiyada fəaliyyət göstərən azərbaycanlı bloger Hüseyn Həsənov baş verən erməni təxribatı ilə bağlı paylaşım edib.

BAKU.WS xəbər verir ki, 22.7 milyon izləyicisi olan instaqram hesabında "Allah şəhidlərimizə rəhmət eləsin. Başın sağ olsun, Vətən" sözlərini yazıb.

Sentyabrın 12-dən 13-nə keçən gecə erməni silahlı birləşmələrinin Ermənistan-Azərbaycan dövlət sərhədində törətdiyi təxribat nəticəsində Azərbaycan Silahlı Qüvvələrinin 71 hərbçisi şəhid olub.

Yerli məşhurlar, o cümlədən rusiyalı, türkiyəli tanınmışlar paylaşım edərək təxribat nəticəsindən həlak olan şəhidlərimizə görə ölkəmizə başsağlığı veriblər. Hüseyn Həsənov isə ünvanına səsləndirilən tənqidlərdən sonra bu haqda paylaşım edib.