Hacıqabulda ağır qəza: Yaralıların son durumu AÇIQLANDI

Hacıqabulda baş verən avtoqəzada 7 nəfər xəstəxanaya yerləşdirilib.

Bu barədə Oxu.Az-a Tibbi Ərazi Bölmələrini İdarəetmə Birliyindən (TƏBİB) məlumat verilib.

Məlumata görə, 02.01.2025-ci il tarixində Hacıqabul rayon Qədirxum ərazisində baş verən yol-nəqliyyat hadisəsi səbəbi ilə 7 nəfər (4 kişi, 3 qadın cinsli) Şirvan Şəhər Mərkəzi Xəstəxanasına hospitalizasiya olunub. Onlardan 4-ü azyaşıldır.

Hər birinə lazımı tibbi xidmətlər göstərilib.

Vəziyyətləri ağır olaraq qiymətləndirilir.

***17:27

Hacıqabulda baş verən yol qəzasında yaralıların sayı 7 nəfərə çatıb.

Bu barədə "Report"un Aran bürosu məlumat verib.

***17:12

Hacıqabulda yol qəzası baş verib, beş nəfər xəsarət alıb.

BAKU.WS "Report"a istinadən xəbər verir ki, hadisə Bakı-Qazax magistralının şəhərin Qədirxum istirahət mərkəzinin yaxınlığında qeydə alınıb.

Belə ki, "VAZ-2107" markalı avtomobil "Mersedes" markalı avtomobilə və daha sonra digər maşına çırpılıb. Qəza nəticəsində Sabirabad rayon sakinləri, 2016-cı il təvəllüdlü Qəhrəmanov Yusif Zamin oğlu, 2014-cü il təvəllüdlü Sarıyev Elgün Eldəniz oğlu, 1991-ci il təvəllüdlü Sarıyev Günel Əliağa qızı, 2008-ci il təvəllüdlü Qəhrəmanova Günel Vilayət qızı və daha bir nəfər müxtəlif dərəcəli xəsarətlər alıblar. Xəsarət alanlar Şirvan Şəhər Mərkəzi Xəstəxanasına yerləşdiriliblər.

Faktla bağlı araşdırma aparılır.