Gəncədə piyadanın ölümü ilə nəticələnən yol-nəqliyyat hadisəsi olub

Gəncə şəhərində piyadanın ölümü ilə nəticələnən yol-nəqliyyat hadisəsi olub.

"Report"un Qərb bürosunun məlumatına görə, hadisə şəhərin mərkəzi prospektlərindən birində qeydə alınıb.

Belə ki, avtomobilin vurduğu piyada 1962-ci il təvəllüdlü Şirməmmədov Ayaz ağır xəsarətlər alıb. O, xəstəxanaya çatdırılsa da, həyatını xilas etmək mümkün olmayıb.

Faktla bağlı araşdırma aparılır.