Erməninin obyektinə "Allahu Əkbər" sədaları altında hücum edildi (VİDEO)

Rusiyanın İrkutsk şəhərində ermənilərin restoranına silahlı basqın edilib.

BAKU.WS xəbər verir ki, hücum edənlər İnquşetiya respublikasının vətəndaşları olub. Restoran sahibinin sözlərinə görə, hücuma səbəb bir neçə inquşun restorana buraxılmaması olub. Restoranın işçisi Qarik Aqaranyan restorana sərxoş gələn şəxsləri içəri buraxmayıb. Bir müddət sonra isə 40 nəfər şəxs restorana basqın edib. Baş verən kütləvi davada 28 yaşlı Qarik Aqaranyan aldığı güllə yarasından həlak olub.

Restoran sahibi Roman Aqqoranyan əvvəlcə restorana terrorçuların hücum etdiyini zənn edib.

"Qəflətən içəri 40 nəfərlik dəstə daxil oldu. Onlar "Allahu Əkbər! hər kəsin öldürün",- deyə bizə hücum çəkdilər. Onlar inquşlar idi".

Dava şahidlərinin sözlərinə görə, əlində silah olan şəxslərdən biri əvvəlcə mühafizəçiyə atəş açıb. Daha sonra isə digər əməkdaşları nişan almağa başlayıb. Restoranın qonaqları stolların altında, ayaq yolunda gizlənməyə məcbur olub.

Aynur Ələkbərova

BAKU.WS