Dilənçi polis bölməsində damarlarını doğradı

Bakıda dilənçilik etdiyi üçün saxlanılan şəxs polis bölməsində intihara cəhd edib. BAKU.WS-in Musavat.com-a istinadən verdiyi məlumata görə, Səməd Vurğun parkında dilənçilik edən Yevlax rayon sakini 1984-cü il təvəllüdlü Rafiq Bəkirov Post Patrul Xidməti Bölüyünün əməkdaşları tərəfindən saxlanılıb. Rafiq Bəkirov Nəsimi rayonu 22-ci Polis Bölməsinə gətirilib. R.Bəkirov bölmənin giriş qapısına çatanda ağzından çıxardığı lezva ilə qolunun damarlarını kəsib. Psioxoloji problemlərinin olduğu deyilən R.Bəkirov xəstəxanaya yerləşdirilib. O, tibbi yardım aldıqdan sonra xəstəxanadan buraxılıb.

BAKU.WS