Dənizdə batan qazi Fərid Yaqubzadə dəfn olunub - VİDEO - YENİLƏNİB

Lənkəranda dənizdə boğularaq ölən Vətən müharibəsi qazisi, Cil kənd sakini 24 yaşlı Fərid Yaqubzadə dəfn olunub.

Dəfndə kənd sakinləri, ictimaiyyət nümayəndələri, eləcə də qazinin döyüşçü yoldaşları iştirak ediblər. Fərid Yaqubzadə doğulduğu Cil kənd qəbiristanlığında torpağa tapşırılıb.

Mərhumun döyüş yoldaşı Mədət Ağazadə onun 44 günlük Vətən müharibəsində cəsurluq nümayiş etdirdiyini deyib:

“Fəridlə Füzuli, Xocavənd, Şuşa istiqamətlərində çiyin-çiyinə döyüşmüşük. Düşmən ona qalib gələ bilmədi”.Qeyd edək ki, Fərid Yaqubzadə Vətən müharibəsi iştirakçısı idi. Cəbrayıl və Qubadlı rayonlarının işğaldan azad olunmasında döyüşlərdə iştirak etmişdi. Dövlət başçısının müvafiq sərəncamları ilə “Cəbrayılın azad olunmasına görə”, “Qubadlının azad olunmasına görə” və “Vətən müharibəsi iştirakçısı” medalları ilə təltif olunub. O, yeni ailə həyatı qurmuşdu.

Ətraflı Baku TV-nin videosunu təqdim edirik:

***11:41

Lənkəranda 24 yaşlı oğlan dənizdə batıb.

Bu barədə BAKU.WS-in "qaynar xətti"nə məlumat daxil olub.

Hadisə dünən axşam saatlarında rayonunun Sütəmurdov kəndi ərazisində, dəniz sahilində qeydə alınıb.

Əraziyə FHN-nin Cənub Regional Mərkəzinin Sularda Xilasetmə dəstəsi cəlb olunub.