“Dedi ki, qonşumda qızıl da var, pul da” – Bakıda oğru dəstə saxlanıldı – VİDEO

Sabunçu rayonu Maştağa qəsəbəsində yerləşən fərdi evlərin birindən oğurluq edilib.ARB TV xəbər verir ki, bu barədə ev sahibi olan qadın Sabunçu Rayon Polis İdarəsi (RPİ) 14-cü Polis Bölməsinə (PB) məlumat verib.Şikayətçi evdə olmadığı müddətdə naməlum şəxslərin onun mənzilindən 4800 manat oğurladığını bildirib.həyata keçirilən əməliyyat-axtarış tədbirləri nəticəsində qeyd edilən cinayəti törətməkdə şübhəli bilinən paytaxt sakinləri - Adil Həsənov, onun qohumu Həmidağa Rəhimov və Akif Hüseynov saxlanılıblar.Araşdırma zamanı məlum olub ki, dəstə üzlərinə qeyd edilən mənzildən oğurluq etmək təklifi zərərçəkən qadının qonşusu H.Rəhimov tərəfindən verilib.Adil Həsənov – Saxlanılan şəxs: “Dedi ki, mənim qonşumda qızıl da var, pul da. 3 nəfər ilə plan qurduq. Ev sahibi gəldi götürə bilmədik. Növbəti gün özüm içəri girib pulu götürdüm”.Qeyd edilən faktlarla bağlı araşdırma aparılır.BAKU.WS