Birinci Qarabağ müharibəsində itkin düşmüş və nəşinin qalıqları tapılan Akif Qurbanov dəfn edilib

Birinci Qarabağ müharibəsində itkin düşmüş və nəşinin qalıqları sonradan tapılmış Qurbanov Akif Cəbrayıl oğlu dəfn edilib.

BAKU.WS report-a istinadən xəbər verir ki, əvvəlcə şəhidlə Binəqədi rayonu, Sulutəpə qəsəbəsində vida mərasimi keçirilib. Mərasimdə şəhidin ailə üzvləri, rayon İcra Hakimiyyətinin rəsmiləri, hərbçilər və rayon ictimaiyyətinin nümayəndələri iştirak ediblər.

Vida mərasimindən sonra mərhumun qalıqları Sulutəpə qəsəbəsindəki Şəhidlər xiyabanında dəfn edilib.

Qeyd edək ki, Akif Qurbanov 1975-ci ilin oktyabrın 29-da Abşeron rayonu, Xırdalan şəhərində anadan olub.

1994-cü ilin 26 aprel tarixində Ağdam rayonu, Şotlanlı kəndində ərazisində itkin düşüb.