Bakıda yeni yol çəkib ətraf üçün problem yaratdılar - Problemin həlli istiqamətində iş aparılır

Qeyd olunan ünvana asfalt qatı çəkilən zaman tullantı su quyuları nəzərə alınmayıb və asfaltın altında qalıb.

Bu barədə BAKU.WS-in sorğusuna cavab olaraq ADSEA-nın mətbuat xidmətindən bildirilib.

Qeyd olunub ki, ötən gündən Sabunçu rayon Sukanal İdarəsinin qəza briqadası əraziyə cəlb edilib. Quyuların açılması istiqamətində işlər görülür.

***10:27

Sabunçu rayonu, Bakıxanov qəsəbəsində kanalizasiya borusu partlayıb, çirkab sular ətrafı basıb.

Bu barədə görüntülər BAKU.WS-in "qaynar xətti"nə daxil olub.

Bildirilib ki, hadisə Abdulla Abdullayev küçəsində qeydə alınıb. Çirkab sular küçədə antisanitar vəziyyət yaradıb. Bundan əlavə həm maşınlar, həm də piyadalar üçün hərəkət çətinləşib.

Ərazidən kadrları təqdim edirik: