Bakının mərkəzində inək, qoyun saxlayırlar - Sakinlər narazıdır

Yasamal rayonu, Əsəd Əhmədov küçəsi 31 ünvanında (şəhid ailələrinin məhləsi) yerləşən bir şəxs qanunsuz obyekt inşa edərək onu günü-gündən böyüdür.

BAKU.WS-in "qaynar xətti"nə müraciət edən sakinlər bildirirlər ki, bu obyekt məhləyə giriş-çıxışa maneə törədir, sakinlərin hərəkətini çətinləşdirir. Bundan başqa, həmin şəxs obyektdə inək və qoyun saxlayır ki, bu da həm natəmiz qoxulara, həm də sanitar-gigiyena problemlərinə səbəb olur.

Sakinlər bildirirlər ki, məhəlləyə yanğınsöndürən maşınların və Yasamal MTK-nın nəqliyyat vasitələrinin girişinə də maneələr yaranır.

Onlar aidiyyəti qurumlardan qanunsuz obyektin sökülməsi və ərazidə qayda-qanunun təmin olunmasını tələb edirlər.

Şahanə Xankişiyeva