Bakıda yanğınsöndürən maşın “KamAZ”la toqquşdu

Bakıda yol-nəqliyyat hadisəsi olub.

Fövqəladə Hallar Nazirliyinin (FHN) Mətbuat xidmətindən BAKU.WS-ə verilən məlumata görə, hadisə bu gün günorta saatlarında paytaxtın Binəqədi rayonu ərazisində qeydə alınıb.

Belə ki, hadisə yerinə gedən yanğınsöndürən maşın “KamAZ” markalı yük avtomobili ilə toqquşub.

Nəticədə nazirliyin bir neçə əməkdaşı xəsarət alıb.

Məlumata görə, yaralanan şəxslərdən birinin müalicəsi davam etdirilir, digərlərinə isə ambulator yardım göstərilərək evə buraxılıb.

Faktla bağlı araşdırma aparılır.