Bakıda taxta parçasına görə qəza oldu, "Prado" aşdı - VİDEO

Bakıda baş verən dəhşətli yol qəzası təhlükəsiz şəhər kameralarına düşüb.BAKU.WS Avtosfer.az-a istinadla xəbər verir ki, yükdaşıma qaydalarını pozan VAZ 21 07 markalı avtomobil üzərində standartlara uyğun olmayan “baqaj” var. Dəmir və onun üzərinə bərkidilmiş taxta parçası ilə düzəldilmiş "baqaj" yüksək sürət və küləyin təsirindən avtomobilin üstündən uçaraq yaxınlıqda hərəkət edən “Prado” markalı maşına tərəf gedir.“Prado”nun sürücüsü avtomobili qaçırtmaq istəyəndə digər hərəkətdə olan “Opel” markalı avtomobilin sürücüsü çaşdırır. “Opel” sürücüsü isə idarəetməni itirərək “Prado” ya çırpılır. Nəticədə “Prado” açaraq yoldan kənara düşür. “Opel” isə yolun ortasında bir neçə dəfə dönərək dəmir arakəsmələrə dəyib dayanır.Bütün bunların fonunda hadisəyə əsas səbəbkar olan VAZ 21 07-nin sürücüsü heç nə olmamış kimi yoluna davam edir. Avtosfer.az bu dəhşətli qəzanın görüntülərini təqdim edir: