Bakıda restoranın yaxınlığında FACİƏ - Ölən gənclərin kimliyi bilindi

Bu gün paytaxtın Binəqədi rayonu, Biləcəri qəsəbəsində 4 gənc cərəyan vurması nəticəsində vəfat edib.

"Baku.TV"nin əməkdaşı hadisə yerinə yollanıb.

O baş vermiş faciəvi hadisə ilə bağlı son məlumatları çatdırıb.

Ətraflı videoda:

View this post on Instagram

A post shared by @baku.ws_official

*** 14:30

Bu gün paytaxtın Binəqədi rayonu, Biləcəri qəsəbəsində cərəyan vurması nəticəsində vəfat edən şəxslərin kimliyi məlum olub.

BAKU.WS Oxu.Az-a istinadən xəbər verir ki, faciəli hadisə nəticəsində vəfat edən şəxslər - 20 yaşlı Emil Quliyev, 18 yaşlı Əkbər Zeynalov, 27 yaşlı Cavidan Muradlı və 19 yaşlı Eltac Əliyevdir.

Qeyd edək ki, hadisə Binəqədi şosesində yerləşən "Lake Hotel" restoranının yaxınlığında baş verib.

*** 14:13

Bu gün paytaxtın Binəqədi rayonu, Biləcəri qəsəbəsində faciəli hadisə baş verib.

BAKU.WS qafqazinfo-ya istinadən xəbər verir ki, Binəqədi şosesində yerləşən "Lake Hotel" restoranının yaxınlığında oranın dörd əməkdaşı cərəyan vurması nəticəsində vəfat edib.

"Azərişıq" ASC-dən bildirilib ki, hadisə baş verən həmin 35 kV-luq özəl xətt 2007-ci ildə istifadəyə verilib:

"Həmin yüksəkgərginlikli xətt özəl şirkətə məxsus olduğu üçün "Azərişıq" ASC-nin balansında deyil".

Hazırda hüquq-mühafizə orqanlarının əməkdaşları hadisə yerindədirlər.