Bakıda minik maşını yük avtomobilinə çırpılıb - FOTO

Bakının Yasamal rayonunda yol qəzası qeydə alınıb.

BAKU.WS apa-ya istinadən xəbər verir ki, avtoqəza Qafur Məmməd küçəsi ilə Ziya Bünyadov prospektinin kəsişməsində qeydə alınıb.

Belə ki, “Toyota” markalı avtomobilin sürücüsü yolun asfalt qatının sürüşkən olduğunu nəzərə almadığına görə sükana nəzarəti itirib.

İdarəetmədən çıxan minik maşını prospektə dönən ağır tonajlı yük avtomobilinə çırpılıb.

Qəza nəticəsində minik maşınında olan bir nəfər xəsarət alıb və “Toyota” markalı avtomobilə ciddi ziyan dəyib.

Faktla bağlı avtotexniki ekspertiza təyin edilib.

Qalereya