Bakıda mənzilin eyvanında yanğın olub - YENİLƏNİB - VİDEO

Fövqəladə Hallar Nazirliyinin “112” qaynar telefon xəttinə Bakı şəhəri, Nəsimi rayonu, Kövkəb Səfərəliyeva küçəsində yanğın baş verməsi barədə məlumat daxil olub.

BAKU.WS xəbər verir ki, məlumatla əlaqədar dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Əməliyyat şəraitinə uyğun olaraq həyata keçirilmiş zəruri və təxirəsalınmaz tədbirlər sayəsində beşmərtəbəli yaşayış binasının 3-cü mərtəbəsində yerləşən ümumi sahəsi 70 kv.m. olan üçotaqlı mənzilin eyvanında baş vermiş yanğın genişlənməsinə imkan verilmədən qısa müddətdə söndürülüb.

Yanğın nəticəsində mənzilin eyvanının plastikdən ibarət qapı və pəncərəsi və eyvana yerləşdirilmiş paltaryuyan maşın yanıb.

Mənzil yanğından mühafizə olunub.

Xəsarət alan yoxdur.

***16:26

Bakıda mənzilin eyvanında yanğın hadisəsi baş verib.

Bu barədə məlumat BAKU.WS-in "qaynar xətti"nə daxil olub.

Qeyd olunub ki, hadisə Nəsimi rayonu, Dilarə Əliyeva 251 ünvanında qeydə alınıb.

Hadisə yerindən görüntüləri təqdim edirik: