Bakıda mağazada yanğın baş verib - FOTO/VİDEO - YENİLƏNİB

Bakı şəhəri, Nəsimi rayonu, Cavadxan küçəsində yerləşən mağazada baş verən yanğın söndürülüb.

Bu barədə BAKU.WS-ə Fövqəladə Hallar Nazirliyinin mətbuat xidmətindən bildirilib.

FHN-in Dövlət Yanğından Mühafizə Xidmətinin qüvvələrinin operativ və çevik müdaxiləsi nəticəsində yanğınsöndürənlər tərəfindən yanğın genişlənməsinin qarşısı alınmaqla söndürülüb.

***18:18

Bakının “Memar Əcəmi” metrosu yaxınlığında mağazalardan birində güclü yanğın başlayıb.

Hadisə şahidlərinin BAKU.WS-in “qaynar xətti”nə verdikləri məlumata görə, hadisə yerinə yanğınsöndürənlər və polislər cəlb edilib.

Fövqəladə Hallar Nazirliyinin mətbuat xidmətindən BAKU.WS-ə verilən məlumata görə, Nəsimi rayonu, Cavadxan küçəsində yerləşən mağazalardan birində yanğın baş verməsi barədə məlumat daxil olub.

Hadisə yerinə yanğınsöndürənlər və xilasedicilər cəlb olunub. Yanğının söndürülməsi tədbirləri davam etdirilir.

Qalereya