Bakıda doqquzmərtəbəli binada YANĞIN: Zəhərlənən var

Bakıda doqquzmərtəbəli binada yanğın baş verib.

BAKU.WS xəbər verir ki, bu barədə Fövqəladə Hallar Nazirliyi (FHN) məlumat yayıb.

Bildirilib ki, Xətai rayonunda doqquzmərtəbəli yaşayış binasının üçüncü mərtəbəsində ümumi sahəsi 40 m² olan ikiotaqlı mənzilin bir otağında məişət əşyaları və məişət tullantıları 18 m² sahədə qismən yanıb.

"Yanğın zamanı bir nəfər tüstüdən zəhərlənib. Mənzil yanğından mühafizə olunub. Yanğın yanğından mühafizə bölmələri tərəfindən söndürülüb", - məlumatda qeyd olunub.