Bakıda boru partladı - Məhəlləni su basdı

Yasamalda su borusunda baş verən qəza aradan qaldırılır.

Bu barədə BAKU.WS-in sorğusuna cavab olaraq İri Şəhərlərin Birləşmiş Su Təchizatı Xidmətindən bildirilib.

"Qeyd olunan ünvanda su borusunda qəza baş verib. Yasamal rayon Sukanal İdarəsinin qəza briqadası əraziyə cəlb olunub. Hazırda borunun təmiri və bərpası istiqamətində işlər görülür", - deyə məlumatda qeyd olunub.

***09:18

Bakının Yasamal rayonu ərazisində məhəlləni su basıb.

Bu barədə məlumat BAKU.WS-in "qaynar xətti"nə daxil olub.

Bildirilib ki, hadisə Məhəmməd Xiyabani 286 ünvanında qeydə alınıb. Partlayan su borusu ərazidə böyük gölməçə yaradıb. Bununla yanaşı kanalizasiya suları da küçəyə axıb.

Hadisə yerindən görüntüləri təqdim edirik:

Banu Hüseynli