TƏBİB: "Ağır qəzada xəsarət alanlar KTM-ə təxliyə olunublar"

"Təcili tibbi yardım briqadası tərəfindən xəsarət alan iki nəfər (qadın və kişi cinsli) müştərək travmalarla Kliniki Tibb Mərkəzə təxliyə olunub".

BAKU.WS Oxu.Az-a istinadən xəbər verir ki, bu barədə Tibbi Ərazi Bölmələrini İdarəetmə Birliyindən (TƏBİB) bildirilib.

"Respublika Təcili və Təxirəsalınmaz Tibbi Yardım Mərkəzinə oktyabrın 19-da saat 07:30-da Babək prospekti ərazisindən yol-nəqliyyat hadisəsinin baş verməsi səbəbi ilə çağırış daxil olub.

Çağırış ünvanına təcili tibbi yardım briqadası cəlb olunub.

Təcili tibbi yardım briqadası tərəfindən xəsarət alan iki nəfər (qadın və kişi cinsli) müştərək travmalarla Kliniki Tibb Mərkəzə təxliyə olunub", - deyə cavabda qeyd olunub.

*** 10:15

Səhər saatlarında Bakıda ağır yol-nəqliyyat hadisəsi baş verib.

BAKU.WS Oxu.Az-a istinadən xəbər verir ki, hadisə Babək prospekti ilə Yusif Səfərov küçəsinin kəsişməsində qeydə alınıb.

Qəza zamanı VAZ-2107 markalı avtomobil beton arakəsməyə çırpılıb.

Hadisə nəticəsində xəsarət alanlarımn olduğu bildirilib. Qəza yerinə təcili tibbi yardım briqadasının əməkdaşları cəlb olunublar.

Sözügedən görüntüləri təqdim edirik: