Bakıda 5 kiloqramdan artıq narkotik vasitə aşkarlanıb

Paytaxtın Nəsimi rayonu ərazisində həyata keçirilən tədbirlər zamanı əvvəllər dəfələrlə məhkum olunmuş 45 yaşlı B.Cəfərov şübhəli şəxs qismində saxlanılıb.

BAKU.WS Daxili İşlər Nazirliyinə istinadən xəbər verir ki, ondan ümumi çəkisi 3 kiloqramdan artıq olan heroin və marixuana aşkarlanıb.

Bundan başqa, paytaxtın Yasamal rayonu ərazisində həyata keçirilən tədbirlər zamanı əvvəllər məhkum olunmuş 51 yaşlı F.Məhərrəmov şübhəli şəxs qismində saxlanılıb. Ondan 2 kiloqramdan artıq marixuana aşkarlanıb.

Faktlarla bağlı araşdırma aparılır.