Bakı-Quba yolunda "Mercedes" yük maşınına çırpıldı, beş nəfər xəsarət aldı

Tibbi Ərazi Bölmələrini İdarəetmə Birliyi Quba rayonunda baş verən yol-nəqliyyat hadisəsi zamanı xəsarət alanların vəziyyətlərini açıqlayıb.

BAKU.WS Oxu.Az-a istinadən xəbər verir ki, hadisə nəticəsində xəsarət alan 5 nəfər (2 kişi, 3 qadın) bu gün saat 14:50-də Quba Rayon Mərkəzi Xəstəxanasının Təcili tibbi yardım şöbəsinə hospitalizasiya olunub.

Müxtəlif bədən xəsarətləri alan pasiyentlərə zəruri tibbi xidmətlər göstərilib. Hazırda onların müalicələri müvafiq şöbələrdə davam etdirilir, vəziyyətləri orta ağır qiymətləndirilir.

*** 16:37

Bakı-Quba yolunda yol-nəqliyyat hadisəsi baş verib.

BAKU.WS Oxu.Az-a istinadən xəbər verir ki, hadisə avqustun 17-də saat 14 radələrində Bakı-Quba yolunun Quba rayonunun Pirvahid kəndi ərazisindən keçən hissəsində qeydə alınıb. "Mercedes" markalı minik avtomobil ilə "Iveco" markalı yük avtomobilinin toqquşması nəticəsində 5 nəfər xəsarət alıb.

Yaralılar xəstəxanaya çatdırılıblar.

Faktla bağlı araşdırma aparılır.

Qalereya