Bakı metrosunda ölüm hadisəsi - Sərnişinlər qatardan düşürdüldü

İlkin məlumata əsasən, 50-55 yaşlarında kişi sərnişin qatar platformaya daxil olan zaman relsin üzərinə düşüb.

BAKU.WS xəbər verir ki, qatar maşinisti dərhal əyləci sıxıb, sərnişinin stansiya yolundan çıxarılması üçün əməliyyat planı həyata keçirilib. Təəssüf hissi ilə bildiririk ki, sərnişinin həyatını xilas etmək mümkün olmayıb.

Allah rəhmət eləsin!

Посмотреть эту публикацию в Instagram

Публикация от @baku.ws_official

***20:30

Bu gün saat 20:00 radələrində "Nərimanov" stansiyasında sərnişin stansiya yoluna düşüb.

BAKU.WS xəbər verir ki, dərhal təmas relsindən yüksək gərginlik çıxarılıb və təcili tibbi yardım xidməti əraziyə çağırılıb.

Yüksək gərginlik bərpa edildikdən sonra qatar sərnişinsiz yola salınıb və "Nərimanov" stansiyasından elektrik deposuna göndərilib.

Hadisə ilə bağlı intervaldan əlavə yubanmalar yaranıb.

Qeyd edək ki, yıxılan sərnişin vəfat edib.