Bakıda qadının səsinə polislər gəldi: Cinayətkar özünü bıçaqladı

Bakıda qadına qarşı soyğunçuluq edən şəxs polisə bıçaqla xəsarət yetirib.

BAKU.WS Report-a istinadən xəbər verir ki, hadisə Nizami rayonunda baş verib. Belə ki, Qara Qarayev prospekti 74 ünvanında 36 yaşlı Həsənquliyev Sərdar Ənvər oğlu qadının (hələlik adı açıqlanmır) əl çantasını zorla alıb qaçmaq istəyib.

Qadının səsinə yaxınlıqda olan polis əməkdaşları gəlib. Polislər soyğunçuluq edən S.Həsənquliyevin arxası ilə qaçaraq onu tutublar. S.Həsənquliyev tutulan zaman bıçaqla əvvəlcə özünə xəsarət yetirib. Onun bu əməlinin qarşısını almaq istəyən polis əməkdaşının da əli kəsilib. S.Həsənquliyev xəstəxanaya yerləşdirilib.

Hadisə yerinə gələn təcili tibbi yardım həkimləri xəsarət alan polisə ilkin yardım göstəriblər.

Faktla əlaqədar cinayət işi başlanılıb.

Aynur Ələkbərova

BAKU.WS