Azərbaycanda maşın "Qanlı dərə"yə aşdı: sürücünün vəziyyəti ağırdır (FOTO)

Şirvanda yol qəzası olub. Qəzada sürücü kəllə-beyin travması alıb.

APA-nın məlumatına görə, hadisə səhər saatlarında Şirvan-Salyan magistralında Hacıqəhrəmanlı qəsəbəsinin ərazisində baş verib.

Salyan rayonunun Arxarası kənd sakini, 1980-ci il təvəllüdlü İsmayılov Teymur İbrahim oğlunun idarə etdiyi "Lada Priora” markalı "99 GD 997" dövlət nömrə nişanlı avtomobil yoldan çıxaraq "Qanlı dərə” adlanan yerə aşıb. Nəticədə sürücü kəllə-beyin travması ilə ağır vəziyyətdə Şirvan şəhər xəstəxanasının reanimasiya şöbəsinə yerləşdirilib.

Faktla bağlı Şirvan Polis Şöbəsində araşdırma aparılır.

BAKU.WS