AZAL-ın vitse-prezidenti: Günahkar şəxs mütləq tapılacaq və qanun qarşısında cavab verəcək

Azərbaycan pilotları yüksək peşəkarlıq və məsuliyyət göstərərək təyyarəni uğurla idarə ediblər.

BAKU.WS xəbər verir ki, bu fikirləri "Azərbaycan Hava Yolları" QSC-nin (AZAL) vitse-prezidenti İlham Əmirov Heydər Əliyev Beynəlxalq Aeroportunda Bakı-Qroznı reysini yerinə yetirən "Embraer-190" sərnişin təyyarəsinin qəzaya uğraması nəticəsində həlak olan ekipaj üzvləri ilə vida mərasimində səsləndirib.

"Bu hadisə Azərbaycanın aviasiya sahəsindəki yüksək standartlara uyğun pilot hazırlığı və təhlükəsizlik tədbirlərinin göstəricisidir. Ölkəmizdə bu ənənələr uzun illərdir qorunur və daha da inkişaf etdirilir", - İlham Əmirov vurğulayıb.

Vitse-prezident qeyd edib ki, təyyarəyə kənar müdaxilə faktı qeydə alınıb: "Günahkar şəxs mütləq tapılacaq və qanun qarşısında cavab verəcək. Hadisənin bütün detallarına aydınlıq gətirildikdən sonra ictimaiyyətə ətraflı məlumat veriləcək".