Bakıda oğlan anasının boynunu sındırıb öldürdü: Dəhşətli QƏTLİN DETALLARI

Bakının Xəzər rayonunda baş vermiş dəhşətli qətlin təfərrüatı məlum olub.

Hadisə Şüvəlan qəsəbəsindəki Hacı Mövlan bağları adlı yaşayış massivindəki evdə baş verib.

Məlumata görə, 20 yaşlı Sadiq Eyyublu aralarında yaranan mübahisə zamanı anası 40 yaşlı Zəminə Eyyublunun əvvəlcə ayağına bıçaqla xəsarət yetirib, daha sonra isə qadının boynunu qıraraq onu qətlə yetirib.

Qətlə yetirilən qadının qonşuları baş vermiş hadisə ilə bağlı Baku TV-yə danışıblar.

"Böyük oğlu həbsdədir. Əsgərlikdən gələndən sonra həbsxanaya düşdü. Amma bu oğlanın pis bir işini görməmişdim. Elə yaxşı uşaq idi ki. Psixoloji problemi olduğunu deyə bilmərəm. Elə olsaydı, qonşularla davası olardı", - deyə qonşulardan biri deyib.

Ətraflı süjetdə:

***

Bakının Qaradağ rayonunda anasını qəsdən öldürməkdə şübhəli bilinən 1991-ci il təv:əllüdlü Kamran Şükürzadə barəsində cinayət işi üzrə ibtidai istintaq yekunlaşıb.

Modern.az-ın məlumatına görə, iş üzrə toplanan materiallar araşdırılması üçün Bakı Ağır Cinayətlər Məhkəməsinə göndərilib.

Cinayət işi hakim Anar Sadıqovun icraatına verilib. Kamran Şükürzadə barəsində Cinayət Məcəlləsinin 120.2.4-cü (xüsusi amansızlıqla və ya ümumi təhlükəli üsulla adam öldürmə) ilə cinayət işi açılıb.

Xatırladaq ki, iyulun 20-də saat 7 radələrində Qaradağ rayonu, Ümid qəsəbəsi ərazisində 1967-ci il təvəllüdlü Aybəniz Şükürovanın öldürülməsi barədə rayon prokurorluğuna məlumat daxil olub.

Araşdırmalarla şəxsi münasibətlər zəminində Aybəniz Şükürovanın oğlu anasını bıçaqla xəsarətlər yetirərək qəsdən öldürməkdə şübhəli bilinib.

Qeyd edək ki, sözügedən maddə ilə ittiham edilən şəxslərin cinayəti sübut edilərsə, şəxs on dörd ildən iyirmi ilədək müddətə azadlıqdan məhrumetmə və ya ömürlük azadlıqdan məhrumetmə ilə cəzalandırılır.