Aktau yaxınlığında təyyarə qəzası zamanı xəsarət alan iki qırğızıstanlı xəstəxanadan buraxılıb

Qazaxıstanın Aktau şəhəri yaxınlığında AZAL-a məxsus təyyarənin qəzaya uğraması zaman xəsarət alan iki qırğızıstanlı xəstəxanadan buraxılıb.

BAKU.WS report-a istinadən xəbər verir ki, bu barədə ölkənin Səhiyyə Nazirliyi məlumat yayıb.

Xəsarət alan üçüncü şəxsin vəziyyəti sabitdir, Milli Hospitalın Neyrotravma şöbəsində onun müalicəsi davam edir.

Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsindəki 67 nəfərdən 38-i həlak olub, 29-u sağ qalıb.

İlkin məlumata görə, təyyarə Rusiyanın hava məkanında Qroznı üzərində fiziki və texniki xarici müdaxilə nəticəsində qəzaya uğrayıb.