Ağdərədə minaya düşən şəxsin SON VƏZİYYƏTİ

Ağdərə rayonunun Qızıloba kəndi ərazisində mina partlayışı nəticəsində xəsarət alan şəxsin səhhəti ilə bağlı açıqlama verilib.

BAKU.WS xəbər verir ki, bu barədə Bərdə Rayon Mərkəzi Xəstəxanasının məlumat yayıb.

1988-ci il təvəllüdlü kişi yanvarın 11-də saat 14:40 radələrində Təcili tibbi yardım şöbəsinə hospitalizasiya olunub.

Pasiyentə partlayış travması və sağ ayağın aşağı üçdə bir hissəsinin travmatik amputasiyası diaqnozu qoyulub. Həkimlər tərəfindən sağ baldırın yuxarı üçdə bir səviyyəsində amputasiya əməliyyatı icra edilib.

Hazırda yaralının müalicəsi davam etdirilir, vəziyyəti stabildir.

***15:49

İşgaldan azad edilmiş Ağdərə rayonunun Qızıloba kəndi ərazisində 2026-cı il 11 yanvar tarixində mina hadisəsi baș verib.

BAKU.WS xəbər verir ki, bu barədə Azərbaycan Respublikasının Minatəmizləmə Agentliyi (ANAMA) məlumat yayıb.

Qeyd olunub ki, humanitar minatəmizləmə əməliyyatlarına cəlb edilən qeyri-hökumət təşkilatının əməkdaşı 1988-ci il təvəllüdlü Kərimov Elvin Həmiddin oğlu xidməti vəzifəsini yerinə yetirərkən piyada əleyhinə mina partlayışı baş verib.

Hadisə nəticəsində xəsarət alan şəxsin sağ ayağı topuq nahiyəsindən amputasiya olunub.

Kərimov Elvin rayon mərkəzi xəstəxanasına təxliyə edilib. Vəziyyəti qənaətbəxşdir.