ADY: Bakı sərnişin stansiyasında “Stadler” qatarında qısaqapanma baş verib - VİDEO

Bu gün saat 13:45 radələrində Bakı sərnişin stansiyasında “Stadler” qatarı manevr edərkən kontakt şəbəkəsində qısaqapanma baş verib.

BAKU.WS report-a istinadən xəbər verir ki, bu barədə Azərbaycan Dəmir Yolları" QSC məlumat yayıb.

Bildirilib ki, nəticədə qatarın damında tüstülənmə müşahidə olunub.

Məlumata görə, qatar heyəti tərəfindən yanğından mühafizə vasitələri ilə hadisənin qarşını operativ olaraq alınıb.

Qeyd edək ki, depoya gedən qatarda sərnişin olmayıb. Hadisə nəticəsində xəsarət alan yoxdur.