87 yaşlı kişi hamamda yıxılıb öldü

Gəncə sakini bədbəxt hadisə nəticəsində dünyasını dəyişib.

BAKU.WS-in yerli bürosunun verdiyi məlumata görə, hadisə şəhərin Azərbaycan Bayrağı küçəsində qeyd alınıb.

İlkin məlumata görə, 1935-ci il təvəllüdlü Məhərrəm Rəsulov yaşadığı evin vanna otağında yıxılıb. Nəticədə o, dünyasını dəyişib.

Hadisə yerinə hüquq mühafizə orqanlarının əməkdaşları cəlb olunub. Meyit müayinə olunmaq üçün Məhkəmə-Tibbi Ekspertiza və Pataloji Anatomiya Birliyinin Gəncə şəhər şöbəsinə verilib.

Faktla bağlı Gəncə şəhər prokurorluğunda araşdırma başlanılıb.