Ötən gün Ankarada baş verən partlayış zamanı "Qalatasaray”ın hücumçusu Umut Bulutun atası da həlak olanlar arasında olub.
BAKU.WS Türkiyə mətbuatına istinadən məlumat verir ki, Bulutun atasının həmin gün Ankaraya "Gənclərbirliyi” - "Qalatasaray” oyununu izləmək üçün gəldiyi bildirilir. Oyunu izlədikdən sonra evinə dönən futbolçunun atası partlayış zamanı həyatını itirib.
Türkiyəni qana bulayan terror hadisəsi martın 13-də baş verib. Ankaranın Kızılay meydanında dayanacaqda törədilən partlayış nəticəsində 37 nəfər ölüb, 125 nəfər yaralanıb.
BAKU.WS