Lənkəran rayon polis şöbəsinə külli miqdarda narkotika alverilə bağlı məlumat daxil olub.
BAKU.WS-in məlumatına görə, daxil olan məlumata əsasən Lənkəran rayon polis şöbəsinin əməkdaşları əməliyyat keçirib.
Keçirilən əməliyyat nəticəsində Salyan rayon sakini, 1967-ci il təvəllüdlü Tərlan İli oğlu Bayramov 14 kiloqram 300 qram narkotik vasitə olan marixuananı satarkən yaxalanıb.
O, marixuananı 12 min manata satmaq istəyirmiş. Tərlan Bayramov istintaqa ifadəsində narkotik maddəni özü əkib-becərdiyini bildirib.
Faktla bağlı cinayət işi başlanıb, araşdırma aparılır.
Ziya Səccad
BAKU.WS