Mahir Emrelidən atasına cavab: "Əgər ev ona məxsusdursa, evin kupçasını göstərsin"

Bu gün "Qarabağ” futbol klubunun oyunçusu Mahir Emrelinin yaşadığı evdə soyğunçuluq hadisəsi baş verib. Mahirin atası Anar Mədətov evin Mahirə aid olmadığını və 24 saat mühafizə olunduğunu deyib. BAKU.WS azxeber.com-a istinadən xəbər verir ki, futbolçu məsələnin polis tərəfindən araşdırıldığını deyib:"Bu haqda danışmaq istəmirəm. Polislər tərəfindən məsələ araşdırılır, istintaq sirri olduğundan bu haqda məlumat verə bilmərəm. Qaldı ev məsələsinə. Əgər ev ona məxsusdursa, evin kupçasını göstərsin". Qeyd edək ki, Mahir anası Elnurə ilə yolların ayıran Anar Mədətovun soyadından da imtina edib.