Hərbçilərimizin məhv etdiyi erməni əsgər bu gün ordudan tərxis olunmalı imiş

Azərbaycan mövqelərinə hücum zamanı məhv edilən erməni əsgər bu gün ordudan tərxis olunmalı imiş. 

BAKU.WS-in məlumatına görə, Erməni KİV ailəsinin 20 yaşlı gənci evdə gözlədiklərini ancaq bu gün meyitini qəbul etdiklərini yazır. 

Qeyd edək ki, bu gün düşmənin cəbhədəki təxribatlarının qarşısı qətiyyətlə alınıb.

Müdafiə Nazirliyindən BAKU.WS-ə verilən məlumata görə, son günlər Ermənistan Silahlı Qüvvələri bütün cəbhəboyu ərazilərdə təxribat xarakterli fəaliyyətlərini genişləndirməyə çalışırlar. Rergiondakı hərbi-siyasi vəziyyətdən istifadə etməyə çalışan erməni silahlı bölmələri dekabrın 4-nə keçən gecə cəbhənin müxtəlif istiqamətlərində müdafiənin ön xəttində yerləşən mövqelərimizə basqın etməyə cəhd göstəriblər.

Silahlı Qüvvələrimizin bölmələri düşməni qabaqcadan aşkar edərək onun hərəkətinin qarşısını qətiyyətlə alıblar. Erməni tərəfi xeyli sayda itki verərək geri çəkilməyə məcbur edilib. Hazırda onun itkilərinin sayı dəqiqləşdirilir.

Düşmənlə döyüşdə Silahlı Qüvvələrimizin bir giziri yaralanıb. İlkin tibbi yardım göstərildikdən sonra yaralı hərbi qulluqçu tibb müəssisəsinə təxliyə edilib, sağlamlığına heç bir təhlükə yoxdur və həkimlərin nəzarəti altındadır.

Müdafiə Nazirliyi bildirir ki, ordumuz bütün cəbhə boyu əməliyyat şəraitinə tam nəzarət edir və düşmənin istənilən hərəkətinin qarşısını qətiyyətlə almağa hazırdır.