UEFA Avropa Liqasında çıxış edən "Qəbələ” ötən gün III təsnifat mərhələsinin cavab oyununda azarkeşlərlə polis əməkdaşları arasında qarşıdurma baş verib.
BAKU.WS-in məlumatına görə, insident "Bakcell Arena" stadionunda baş tutan "Qəbələ" - "Apollon” (Kipr) matçından sonra yaranıb. Polis və azarkeşlər arasında baş verən xoşagəlməz hadisənin dəqiq səbəbləri bilinmir.
Ancaq güman edilir ki, matçdan sonra "Qəbələ” fan-klubunun nümayəndələri ilə polis arasında münaqişə yaranıb.
Xatırladaq ki, ötən həftə Larnakada baş tutan ilk qarşılaşmada 1:1 hesablı heç-heçəyə nail olan "Qəbələ” dünən baş tutan matçda minimal hesablı qələbə ilə adını pley-off mərhələsinə yazdıran tərəf olub.