Bakıda müğənninin ölümdən döndüyü avtoqəza ilə bağlı RƏSMİ AÇIQLAMA/ANBAAN VİDEO
![Bakıda müğənninin ölümdən döndüyü avtoqəza ilə bağlı RƏSMİ AÇIQLAMA/ANBAAN VİDEO](https://baku.ws/storage/photos/thumbs/large/1721974861_photo_5269743650798164604_y.webp)
İyulun 25-də Sabunçu rayonu, Bakıxanov qəsəbəsində yol-nəqliyyat hadisəsi qeydə alınıb.
Bu barədə Oxu.Az-a Daxili İşlər Nazirliyinin Mətbuat Xidmətindən bildirilib ki, sürücü H.Zahidov idarə etdiyi "Opel" markalı avtomobillə Ş.Kamilov küçəsi ilə hərəkətdə olarkən idarəetməni itirib.
Hadisə nəticəsində avtomobil yol kəsişməsində yerləşən avtoyuma məntəqəsində olan "Changan" markalı avtomobilə çırpılıb. Hadisə nəticəsində avtoyuma məntəqəsində çalışan bir nəfər müxtəlif bədən xəsarətləri alıb və xəstəxanaya yerləşdirilib.
Hadisə yerinə polis əməkdaşları tərəfindən baxış keçirilib, tərəflərin izahatları alınıb. Qəza ilə bağlı avtotexniki ekspertiza təyin edilib.
Araşdırmalar Sabunçu Rayon Polis İdarəsində davam etdirilir.
***10.00
Müğənni Mətin Hüseynzadə (MadTeen) qəzadan son anda xilas olub.
BAKU.WS bizim.media-a istinadən xəbər verir ki, ifaçı avtoyuma məntəqəsinin qarşısında olarkən anidən idarəetməni itirən avtomobil ərazidəki ağ rəngli maşına çırpılıb.
Musiqiçi qəzadan son anda xilas olsa da, avtomobilin arxasında dayanan gənc oğlan bədbəxt hadisədən qaça bilməyib.
Hadisəni törədən şəxsin taksi sürücüsü olduğu görünür.
Oxşar xəbərlər
Şuşada II Qlobal Media Forumu keçirilir, Prezident İlham Əliyev Forumda çıxış edib - YENİLƏNİB
İyulun 20-də “Yalan məlumatların ifşası: Dezinformasiyaya qarşı mübarizə” mövzusunda 2-ci Şuşa Qlobal Media Forumunun açılış mərasimi keçirilib. Azərbaycan Resp...