İlkin Süleymanovun apellyasiya məhkəməsinə yeni sədr təyin olunub
![İlkin Süleymanovun apellyasiya məhkəməsinə yeni sədr təyin olunub](https://baku.ws/storage/photos/thumbs/large/1716304880_32746465-2280-3136-b071-5324581de589_850.webp)
Bir müddətdir təxirə düşən İlkin Süleymanovun növbəti apellyasiya məhkəməsinə yeni sədr təyin edilib, növbəti prosesin vaxtı məlum olub.
"Report"un Qərb bürosunun məlumatına görə, Gəncə Apellyasiya Məhkəməsində keçiriləcək prosesə Rafiq Cəfərov sədrlik edəcək. Digər hakimlər isə Əlzamin Abdullayev və Salman Hüseynov olacaq.
Növbəti məhkəmə mayın 22-nə təyin olunub.
Qeyd edək ki, İlkin Süleymanovun apellyasiya məhkəməsi bir müddətdir ki, öncəki hakim Teyyub Muxtarovun təyinatı ilə bağlı təxirə salınmışdı.
Xatırladaq ki, Tovuz rayonunun Dondar Quşçu kənd sakini N.Quliyeva 2019-cu il noyabrın 21-də itkin düşüb, onun meyiti 2020-ci il yanvarın altısında yandırılmış halda tapılıb. 2020-ci il yanvarın 10-da isə hadisəni törətməkdə şübhəli bilinən Dondar Quşçu kənd sakini, 1973-cü il təvəllüdlü İ.Süleymanov saxlanılaraq istintaqa cəlb edilib.
Ona Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələrində nəzərdə tutulan ittiham elan olunub. İlkin Süleymanov məhkəmənin qərarı ilə 18 il müddətinə azadlıqdan məhrum edilib.
Oxşar xəbərlər
İlkin Süleymanovun şikayəti üzrə məhkəmə başlayıb, vəsatətləri təmin edilməyib
Tovuz rayonunda 10 yaşlı Nərmin Quliyevanı qətlə yetirməkdə təqsirləndirilən İlkin Süleymanovun cinayət işi birinci instansiya məhkəməsinin hökmündən verilən ap...