055 213 76 73
Ağdamda mina partlayışı faktı ilə bağlı rayon prokurorluğunda araşdırma aparılır.
Bu barədə BAKU.WS-ə Baş Prokurorluqdan bildirilib.
Qeyd edilib ki, dekabrın 5-də Ağdam rayonunun işğaldan azad edilmiş Sarıcalı kəndi ərazisində Azərbaycan Respublikası Minatəmizləmə Agentliyinin (ANAMA) əməkdaşı 1992-ci il təvəllüdlü Əkbərov Vaqif Sabir oğlunun xidməti vəzifəsini yerinə yetirən zaman mina partlaması nəticəsində xəsarət alması faktı ilə bağlı rayon prokurorluğunda araşdırma aparılır.
***13:57
Ağdamda minaya düşən şəxsin Azərbaycan Minatəmizləmə Agentliyinin (ANAMA) əməkdaşı olduğu məlum olub.
“Report”un məlumatına görə, dekabrın 5-də işğaldan azad edilmiş Ağdam rayonunun Sarıcalı kəndi ərazisində 1992-ci il təvəllüdlü Vaqif Sabir oğlu Əkbərov xidməti vəzifəsini yerinə yetirərkən piyada əleyhinə mina partlayışı baş verib.
Bildirilir ki, xəsarət alan şəxs hadisə yerindən təxliyə edilərək xəstəxanaya çatdırılıb. Onun sağ ayağı dizdən aşağı nahiyədən amputasiya edilib.
Vəziyyəti qənaətbəxşdir.
***12:57
Ağdamda mina partlayıb.
BAKU.WS apa-ya istinadən xəbər verir ki, hadisə bu gün Ağdam rayonunun işğaldan azad edilmiş ərazisində qeydə alınıb.
Minaya düşən şəxsin Vaqif Əkbərov olduğu bildirilir.
İlkin məlumata görə, o, ayağından xəsarət alıb.