Qatar qəzasında ölənlərin biri liseydə müəllim, digəri isə evin tək övladı idi – FOTO

Dünən Xəzər rayonu, Binə qəsəbəsində 160 saylı sərnişin avtobusu ilə qatarın toqquşması nəticəsində 42 nəfər sərnişindən 33-ü yaralanıb, 13 yaşlı Yusif Tahir oğlu Dadaşzadə və 1962-ci il təvəllüdlü Əliyev Şakir Pənah oğlu dünyasın dəyişib.BAKU.WS unikal.org-a istinadən xəbər verir ki, qəza nəticəsində dünyasını dəyişən şəxslərin kimliyi bəlli olub.Məlum olub ki, 1962-ci il təvəllüdlü Əliyev Şakir Pənah oğlu Abşeron Binə Peşə Liseyində müəllim işləyib. O, uzun illərdir liseydə xüsusi fənlər (traktor və avtomobillər) üzrə dərs deyib. Ş.Əliyev yaşının çox olmasına baxmayaraq subay olub, övladı olmayıb. Nizam-intizamlı müəllim olub.Dünyasını dəyişən 13 yaşlı Yusif Tahir oğlu Dadaşzadə Bakının Xəzər rayonu 218 saylı məktəbinin 7-ci sinif şagirdi olub. O, ailənin tək övladı olub.

BAKU.WS