Nəbatat Bağında yanğın olub (FOTO)
![Nəbatat Bağında yanğın olub (FOTO)](https://baku.ws/storage/photos/thumbs/large/1441973898_neb.webp)
Bu gün saat 13:30 radələrində Azərbaycan Milli Elmlər Akademiyasının (AMEA) Mərkəzi Nəbatat Bağında yanğın baş verib. BAKU.WS-in məlumatına görə, yanğın nəticəsində bağın təxminən 15 sota yaxın ərazisində, ağac olmayan açıq və quru otluq sahəsi yanıb. Müdafiə Nazirliyinin bağın yaxınlığında yerləşən ərazisindən başlayan yanğın hava küləkli olduğuna görə qısa müddətdə digər ərazilərə də yayılıb. Mərkəzi Nəbatat Bağının kollektivi səfərbər edilərək yanğını söndürməyə çalışıblar. Eyni zamanda, əraziyə çağrılmış Fövqəladə Hallar Nazirliyinin Dövlət Yanğından Mühafizə Xidməti tərəfindən yanğının qarşısı alınıb. Sözügedən hadisə nəticəsində bağın yaşıllıq zolağına heç bir zərər dəyməyib. Ziya Səccad BAKU.WS
Oxşar xəbərlər
Bakı Dəniz Limanında güclü yanğın (VİDEO)
Bu gecə Bakı Dəniz Limanında güclü yanğın olub. Fövqəladə Hallar Nazirliyinin Dövlət Yanğından Mühafizə Xidmətindən BAKU.WS-ə verilən məlumata görə, yanğın bin...