SOCAR: Karbamid Zavodunda istixana qazlarının emissiyası azaldılıb

Azərbaycan Dövlət Neft Şirkətinin (SOCAR) Karbamid Zavodunda istixana qazlarının emissiyasının azaldılması təmin olunub.

BAKU.WS xəbər verir ki, bunu SOCAR-ın törəmə müəssisəsi - "Caspian Innovation Center"in (CIC) Baş Məlumat Mütəxəssisi Azad Hüseynov "Bakı İqlim Fəaliyyəti Həftəsi"nin 5-ci günündə bildirib.

"SOCAR-da ENOM (Energy Network Optimizing Model) sistemindən istifadə edilir. Süni intellekt əsaslı bu sistem Karbamid Zavodunda tətbiq edilir. Səmərəlilik nöqteyi nəzərdən biz bunun çoxsaylı müsbət nəticələri görürük. Bunlardan ən vacibi odur ki, biz emisiyaları azaltmağa nail olduq. Daha dəqiq desək hər il 2 000 avtomobilin yaratdığı tullantı səviyyəsində azalma təmin olunub",- deyə o qeyd edib.