SOCAR-ın idarəsi qeyri-neft ixracından gəlirini 13 % artırıb

Bu ilin yanvar-fevral aylarında Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsi 70,4 milyon ABŞ dolları dəyərində qeyri-neft məhsul ixrac edib.

BAKU.WS-in məlumatına görə, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nın mart sayında bildirilir.

Bildirilir ki, bu, 2024-cü ilin ilk iki ayı ilə müqayisədə 8,1 milyon ABŞ dolları və ya 13 % çoxdur.

Hesabat dövründə Azərbaycanın qeyri-neft-qaz sektoru üzrə ixracının dəyəri ötən ilin yanvar-fevral ayları ilə müqayisədə 6,6 % artaraq 485 milyon ABŞ dolları təşkil edib.