OPEK+ ölkələri neft hasilatını artırmaq barədə razılığa gəldilər

OPEK+ avqust ayı üçün neft hasilatını artırmaq qərarına gəlib.

BAKU.WS xəbər verir ki, bu barədə təşkilatın rəsmi saytında iyulun 5-də keçirilən onlayn iclasın yekunlarına dair məlumat yayılıb.

Bildirilib ki, OPEK+ üzvü olan yeddi ölkə 2023-cü ilin aprelində elan edilmiş əlavə könüllü hasilat məhdudiyyətlərinə yenidən baxaraq, avqust ayından etibarən gündəlik neft hasilatını 188 min barrel artırmağa qərar verib.

Qeyd olunub ki, bazardakı vəziyyətdən asılı olaraq 2023-cü ildə tətbiq edilən əlavə könüllü məhdudiyyətlər qismən və ya tam şəkildə ləğv oluna bilər. İştirakçı ölkələr neft bazarındakı vəziyyəti yaxından izləmək barədə razılığa gəliblər.

Məlumata əsasən, OPEK+ ölkələrinin növbəti iclası avqustun 2-də keçiriləcək.